A CUARTA EDICIÓN DA CLÁSICA ÁLVARO PINO PASARÁ POR SALVATERRA DE MIÑO

O 26 maio terá lugar a marcha cicloturista que sairá de Ponteareas e rematará no mesmo lugar e que terá parada de avituallamento no recinto amurallado. O domingo 26 de maio Salvaterra de Miño recibirá a visita de máis de 400 ciclistas nunha nova edición da Marcha Cicloturista Sestelo Clásica Ávaro Pino 2024. Nesta cuarta edición organizada pola Asociación Cultural e Deportiva Plan C de Ponteareas, os ciclistas sairán de Ponteareas e pasarán por Salvaterra de Miño onde farán unha parada de avituallamento no recinto amurallado e rematarán novamente en Ponteareas. A Clásica Ávaro Pino 2024 ten un total de 123,5 km unha proba que leva o nome do recoñecido ciclista Pontareán, Álvaro Pino, campión da Volta Ciclista a España no ano 1986, que pretende, ademais de homenaxear ao carismático corredor, por en valor un deporte que tantas satisfacións lle deu a Galicia e a España en xeral, dando a posibilidade a calquera persoa interesada de participar nunha xornada de carácter lúdico sobre as dúas rodas.