Dende a Concellería de Cultura preséntase a 6ª edición do Ciclo Cine de Inverno que se celebrará durante o vindeiro mes en Salvaterra de Miño.

Como en anteriores edicións o ciclo totalmente gratuíto inclúe a proxección de películas de estrea na Casa da Cultura de Salvaterra de Miño. Os sábados ás 22:00 horas serán películas para o público adulto mentres que os domingos ás 17:30 horas dirixidas ó público infantil.

Deste xeito achégase durante este mes unha alternativa de ocio cinematográfico para pasar as noites do sábado e as tardes do domingo.

Dende o 7 de FEBREIRO ata o 1 de MARZO, o público poderá gozar dunha oferta diferente que comeza coa proxección de Cónclave e Robot Salvaje. Aquí está a programación completa do ciclo.