O Concello de Salvaterra de Miño da a benvida ao Nadal co encendido da iluminación, unhas datas familiares, onde os máis pequenos son os auténticos protagonistas.

Datas tamén, onde o comercio local adquire gran relevancia pola importancia do volume de vendas  desta época do ano. E nesa liña vai encamiñado o traballo do Equipo de Goberno, por un lado intentando que os nenos e nenas sigan crendo nesa maxia do Nadal, ofrecendo unha programación ampla e variada, e por outro lado incentivando e buscando que os seus veciños e veciñas consuman no comercio local, xa que é un dos eixos centrais do propio municipio e sen eles nada sería igual, sen o seu traballo, sen a súa cercanía e sobre todo sen a súa presencia nas rúas.

Máis de 90 arcos e motivos luminarios, luces de led e un espectacular Belen na praza do Concello engalanan este Nadal  Salvaterra, buscando que tanto veciños, como xente doutros Concellos, se deixen contaxiar e se acheguen a desfrutar da maxia destes días, ademais de contar un ano máis coa Árbore de Nadal dos Viños da Comarca do Condado do Tea e Espumosos da DO Rías Baixas, na rotonda central do Concello, que anima a todos e a todas a consumir produtos autóctonos e é a encargada de dar a benvida as festas.

O Concello de Salvaterra de Miño deséxalle unhas felices festas a todos os seus veciños e veciñas!!!

O alumbrado estará encendido ata o final do Nadal.