A parroquia de Arantei celebra os días 7 e 8 de novembro, no pavillón deportivo da parroquia, a XXVI edición da "Festa do Viño Novo". Nela repartiranse 500 litros de viño branco e 500 litros de viño tinto, de forma totalmente gratuíta ata fin de existencias.

Este viño pode acompañarse de sabrosas e xeitosas tapas de pulpo, orella, callos, churrasco, empanada e carne ó caldeiro, todo ao gusto do consumidor. O sábado día 7 haberá apertura de stands a partir das 19:00 horas e o domingo día 8, apertura de stands ás 10:30 horas. Os asistentes disporán de mesas e cadeiras dabondo para maior comodidade, así como de tazas e xerros comemorativos do evento.

O pregón corre a cargo do cantautor Gabriel Fandi, natural da parroquia, o domingo ás 13:00 horas, día no que actuará tamén a charanga Nosokaos (13:30 h). O sábado, ás 21:30 h, actuación de Rubin DJ Showman. Finalmente, a partir das 17:00 horas, grandes sorpresas.