Aquí vos deixamos unha pequena reportaxe gráfica do que foi este ano o Enterro da Lamprea, actividade que pon punto e final a programación do Entroido.

Con 16 carrozas e mais de 1500 participantes vidos de varios puntos da comarca e arredores, as miles de persoas que se desprazaron a Salvaterra de Miño, xa a primeira hora da tarde, disfrutaron ao grande desta celebración, que a pesares de levar poucos anos xa é un referente na comarca, como mostran as imaxes.

Dende o Concello queremos dar as gracias tanto os/as participantes, a Charanga Os Guacamallos,  como a todas aquelas persoas que formaron parte da comitiva da defunta lamprea e ao persoal  do propio Concello que ano tras ano colabora e fai posible que todos/as podamos desfrutar desta actividade de Entroido, e como non a todas as persoas que aguantaron ata o final para escoitar as últimas vontades da Defunta, que foron lidas polo Notario Maior do Condado.

No canal de Youtube do Concello de Salvaterra de Miño, podedes ver o vídeo de todo o acontecido no Enterro da Lamprea.