Con aproximadamente uns 200.000m2 de terreo podemos atopar este gran parque cunha chea de posiblidades para pasar un día estupendo. Unha das maiores e mellor acondicionadas áreas de esparexemento de todo o NoroEste peninsular.

 

É unha aula aberta á natureza e alí podemos contemplar como crecen as apetitosas verduras, de onde nacen os froitos tan apetecibles que por encantamento os máis pequenos ven nacer nas súas mesas, ou ferramentas utilizadas polos nosos devanceiros na labranza, é pois un lugar no que todo ten un espazo e encaixa cal partitura melodiosa. As plantas aromáticas, as roseiras, os kiwis, todo en continuo cambio fan que os nosos sentidos entretéñanse.

Un lugar no que as estacións se viven intensamente, ben sexa polo cambio na tonalidade da vexetación ou polo cambio do caudal no río Miño polo que discorre un paseo e o carril bici, recomendado o percorrelo.

Atópase apartado do ruído e tamén poderíamos dicir que nacido nun pobo acolledor, xa que desde diferentes puntos da xeografia achéganse para facer uso común do mesmo, dotado de amplo aparcadoiro e de servizos varios, como aseos, merendeiros, auga potable, etc, ..

 

Na Canuda non se esqueceron da 3ª idade, na que os nosos maiores son coidados con zonas por onde camiñar tranquilos, ou gozar facendo tamén deporte con máquinas adaptadas e zonas de recreo para os mesmos, na que os xogos populares da súa infancia son lembrados con sumo mimo, asi como mesas nas que charlar ou xogar a partida, dispoñendo de mesas de xadrez, damas ou cartas. Todo iso adaptado para minusválidos que atopan tamén aquí un espazo no que pasar as súas horas de lecer.

O espazo conta con todos os servizos e cunha ampla oferta de actividades que non deixan indiferente a ninguén.

 

Mesas de ping-pong, de xadrez todo o que poidas imaxinar busca un lugar no que mostrar para que ao final sexas ti o que elixas onde gozar do teu tempo.O complexo conta con parque infantil e de adultos, circuíto de bicicletas, lago, anfiteatro, xardíns, zonas de interese etnográfico e agrícola, aseos, fontes, piscinas, canchas e ata un magnífico paseo a beiras do Miño para peóns e bicicletas. Río abaixo poderemos seguir o fermoso paseo de madeira e terra que nun futuro próximo conectará por unha ponte de madeira coa Illa Fluvial da Fillaboa.

Trátase dun parque en continua trasformación e novos proxectos que nel van nacendo e fraguándose, como é o caso do novo gran xardín de Orquídeas ou o novo acuario con todas as especies do río Miño.

 

Á beira do río Miño podemos gozar dun longo paseo, e achegarnos ata a zona onde estan as pistas de fútbol, baloncesto ou tenis. Conta con carril para bicis para que os nosos fillos gocen coas súas pedaladas, e os máis pequenos aínda non tan hábiles, contan cunha pista na que as súas pedaladas polo asfalto e guiadas por semáforos sexan instructivas e entretidas.