A Alcaldesa de Salvaterra, xunto ao Concelleiro de obras, o  director de obra e a empresa adxudicataria supervisan o avance das obras en Rúa Forca, unha obra financiada a través do Programa Provincial de Infraestruturas e Dotacións Singulares para a execución da Axenda 2030 da Deputación de Pontevedra, por un valor de 432.332,88€ e cofinanciada polo Concello de Salvaterra de Miño a través do Plan +Provincia 2024, por un importe de 108.083,22€-

Esta actuación enmarcada dentro da liña 3 do PON2030, na recuperación, mellora, urbanización ou reurbanización de espazos públicos ten como obxectivo dar un uso plural, amable e fomentar a estancia e as mobilidades alternativas, na liña do cumprimento dos Principios Ágora, establecidos pola Deputación de Pontevedra na Rede de Concellos Ágora polo Espazo Público.  Buscando a humanización de espazos onde o peón gañe protagonismo, aumentando o espazo peonil e contribuíndo a unha economía descarbonizada, obxectivos que tamén se marca o Concello de Salvaterra de Miño dentro do seu Plan de Mobilidade Urbana Sostible (PEMUS)