Sitúase no límite co concello de Salceda. O río Caselas atravesa esta parroquia. A súa xeografía presenta pequenas elevacións nos montes de o Viso (142 m) e Curros (144m).

O topónimo actual é froito de distintas transformacións pois nas testemuñas dos Miragres de San Telmo declararon varios veciños da parroquia deCapraria. No século XVI, denomínase a parroquia como Cabral.

A parroquia de Cabreira está formada polos seguintes lugares: Arras, Arrón, Arrotea, Barreiras, Cadavés, Cerdeiral, Devesa, Gabiñeira, Granxa, Grubenla, Lameiros, Laxe, Monte da Bouza, Outeiro, Pedra Aguda, Pousa, Poza, Rañada, Río, Ron, San Roque, e Torrón.

A igrexa de Cabreira foi edificada no ano 1710 como se reflicte nunha inscrición do seu muro lateral. De estilo neogótico, construída en perpiaño, ten planta cuadrangular con dúas capelas laterais. Destaca a capela meridional cuberta con bóveda de cruzaría e decorada con dous retablos. Diversos escudos, como o que coroa o retablo maior, dedicado a San Miguel, relacionan a fábrica desta igrexa coa familia Salgado.

Tampouco podemos esquecer o fermoso reloxo de Sol que está posto nun lateral da iglexa o cal atópase nun moi bo estado de conservación.