SALVATERRA DE MIÑO ACOLLE DOUS OBRADOIROS GRATUÍTOS SOBRE CIBERSEGURIDADE E INTELIXENCIA ARTIFICIAL PARA PEMES, AUTÓNOM@S E CIDADANÍA.

O Concello de Salvaterra de Miño colaborará durante o mes de xuño na celebración de dous obradoiros presenciais gratuítos centrados na ciberseguridade e na intelixencia artificial, co obxectivo de achegar á cidadanía e as pequenas empresas, ferramentas prácticas para a nova actualidade dixital.

As sesións desenvolveranse no Salón de Plenos do Concello de Salvaterra de Miño, en horario de 20:00 a 22:00 horas, e están dirixidas ao persoal de pemes, persoas autónomas e a todas aquelas persoas interesadas en aprender a protexerse no entorno dixital actual.

O primeiro obradoiro, titulado “Ciberseguridade para pemes e autónom@s: o poder das persoas”, terá lugar o vindeiro 10 de xuño de 2026. Durante esta sesión abordaranse cuestións clave como o funcionamento dos ciberdelincuentes, a protección das credenciais e dispositivos, así como a identificación das principais ameazas dixitais ás que se enfrontan empresas e usuarios no día a día.

Posteriormente, o 17 de xuño de 2026, celebrarase o obradoiro “Intelixencia Artificial e ciberameazas: entendendo os novos retos e desafíos”, unha actividade centrada no impacto da IA na seguridade dixital. As persoas asistentes poderán coñecer o novo marco regulador europeo sobre intelixencia artificial, descubrir como esta tecnoloxía pode utilizarse tanto para protexer sistemas como para xerar novas ameazas, e aprender a detectar fraudes, deepfakes e ataques hiperpersonalizados cada vez máis avanzados. 

Estas actividades buscan fomentar unha maior seguridade dixital e sensibilizar á poboación sobre a importancia da prevención e do coñecemento tecnolóxico nun contexto no que as ameazas en liña aumentan constantemente.

As persoas interesadas poden obter máis información a través da web: https://ciberseguridadegalicia.gal/ Lugar: Salón de Plenos do Concello de Salvaterra de Miño Horario: 20:00 – 22:00 horas Inscricións no correo Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. ou no telefono 617 18 91 67.